Абросимовань Наталь фотокувсонть керш ёно

Кода сёрмалинек седе икеле, Таллинн ошсо, ожоковонь 5-це чистэ ушодовсь невтема «Раськень шкинема – суоми-угрань раськетнень оймесь» («Kangastesse, mustritessw soome-ugri rahvad koovad oma hinge»). Сон алтазь Малавиксэнь суоми-угрань раськень Чинтень. Течи ули меленек кортамс те покш тевенть анокстыцянзо-пурныцянзо марто — Абросимовань Наталя марто, кона Эстэнь суоми-угрань вейсэндявксонь ды «Сятко» эрзянь культурань вейсэндявксонть прявт.

Erzyaks.ru: Косто саевсь те арсемась — теемс невтевкс суоми-угрань шкинемадо? Косо невтеманть тарказо?

С

уоми-угрань шкинемась ютавтови Таллиннэнь куншкаошонь ловномакудосо, косо невтевить финнэнь-угрань раськетнень алкуксонь мазыйчись – эрзянь, мокшонь, удмуртонь, коминь ды эстононь раськень оршамопелест, литератураст, артовкст ды лият кедьсэ теевкст.

Erzyaks.ru: Кие лездать теть?

Н

евтевксэнть теинек колмонек: монь мирдем – удмуртонь артыця Станислав Антипов, мон, ды паро коми ялгам – Наталья Ганова.

Erzyaks.ru: Ёвтнек кавто валсо Эстэнь суоми-угарнь раськетнень вейсэндявкстонть, конань тон прявт.

Э

стэнь суоми-угрань раськетнень вейсэндявксось теезь 2010 иестэ. Тов совить эрзят, мокшот, сетут, финнт, удмурт, мариецт, комить. Эстэнь суоми-угрань вейсэндявксонь тувталось Эстониясо финнэнь-угрань раськетненень лездамось, сынст культурань тонавтнемась ды невтемась. Вейсэндявксось паро мельсэ теи сюлмавкст лият финно-угрань марто, Россиянь республикатнесэяк.

Erzyaks.ru: Невтевкстнэ косто пурнавсть?

В

есе невтевкстнэ пурназь минек вэйсэндявксонь музейстэ.

Erzyaks.ru: Раськетне конат эрить томбальде седе васоло тиринь модастост мекс бути ванстыть келест, мазычист, шкинемаст седе сеетьстэ. Мекс кода арсят?

А

весе ванстыть келест-культураст, ламоткак стувтыть сонзэ. Секс минек вейсэндявксонь смустезэ кепедемс неть раськень оймест эсь культурань кепедемасо, мик сынь чарькодевельть – сынст шкинимаст сюпавчинзэ-мазыйчинзэ эряви невтемс весе мастор лангсо!

©«Erzäks.ru» порталось.
Невтевкс налткенть эряви максомонзо,
зярдо саят тестэ максозь сёрмадовкснэнь.