«Руця» эрзянь Лезэпаргонть
2016 иень «ЭРЗЯНЬ ОЙМЕ» эрзянь сёрмадома шкинемань
Казнень максомадо мельпутовксосо.
«Р
уця» эрзянь Лезэпаргось 2014 иестэ саезь ютавты эрьва иень эрзянь сёрмадома шкинемань «Эрзянь Ойме» Казнень максомат.
2016 иестэнть, чадыковсто, Эрзянь келень Чистэнть, неть Казнетне кармить максовомо Эрзя раськенть эрямопингензэ перть колмоцеде.
Те Казнесь, мазый Арневкс марто, максови сеть эрзянь сёрмадейтненень, кинь шкиневкстнэ-сёрмадовкстнэ 2015 иестэнть седе пек вечкевсть эрзятненень.
Лецтясынек.
2014 иестэнть Казнетне ды Арневкстэ максозельть истяня:
Арневкссэ (диплом) ды сисемень-сисемень тёжань целковоень Шнамоказнесэ казезельть:
— Журавлёв Числав, пек парсте содавикс эрзянь сёрмадеесь, «Пингень цецине» валморонзо кис,
— Подгорнова Алина, однэ эрзянь валморонь сёрмадеесь, «Тюштя» валморонзо кис.
Арневкссэ ды кемень тёжань целковоень Прявтказнесэ казезель:
— Боляень Сыресь, ушодый валморонь сёрмадеесь, «Оймень пшкадема» валморонзо кис.
2015 иестэнть Казнетне ды Арневкстнэ максозельть истя:
Арневксэсь ды сисем тёжань целковойсэ Шнамоказнесь максозь:
Боляень Сыреснень «Калмазь ледстнема» валморонзо кис,
Нуянь Видязнэнь «Тесэ ты Тосо» покш ёвтамонзо кис,
Арневксэсь ды кемнилее тёжань целковойсэ Прявтказнесь максозь:
Маризь Кемальнень «Масторов нолдасынек сюкпрянок» кезэрень ды неень шкань эрзянь койде-иладо сёрмадовкс пусмонзо кис.
2015 иестэ саезь эрьва иень эрзянь сёрмадома шкинемань Казнентень путозь лем: «ЭРЗЯНЬ ОЙМЕ».
Те чистэнть ушодови 2016 иень «Эрзянь Ойме» сёрмадома шкинемань Казнень максомас анокстамось.
Кода икелеяк, кармить ванкшновомо шкиневкстнэ, конат сёрмадозельть мазый эрзянь кельсэ ды конатнесэ парсте невтезь Эрзянь Оймесь, конатнесэ парсте неяви Эрзя раськесь, сонзэ культуразо, стакачинзэ-кенярксчинзэ, коензэ-иланзо, конат кастыть эрзянь меленть.
Кармить ванкшновомо ды кочкавомо сеть шкиневкстнэ, конат нолдазельть ломанень сельме икелев 2015 иенть перть.
Мелень кевкстнемась карми ютавтовомо «Эрзянь вал» ды лия эрзянь Интернет вальматнесэ.
«Руця» эрзянь Лезэпаргось,
Эрюш Вежай тевветиезэ
Uralistica.com-сто саезь ©Портал «Erzäks.ru»
Невтевкс налткенть эряви максомонзо,
зярдо саят тестэ максозь сёрмадовкснэнь.
Комментировать