Эрзят, тынк мельс. 2016 иень медьковонь 7-це чистэнть карми ютавтовомо 5-це Эрзянь Инекужось.
Эрзянь Инекужось – те панжадо Эрзя раськень келей промкс. Садо весе, кинь ули мелезэ арсемс Эрзя раськенек неень шкань ды сы шкань эрямодонзо, ды кундамс тевс – Эрзя раськенек ванстомонзо.
Мень седе ламосо, эрзят, пурнавттано вейс, сень седе виевстэ гайгезеви Эрзя раськенек вайгелезэ. Улема, сестэ кирдивиеськак марясынзе минек раськенть стакачинзэ. Кирдивиесь лавшо раськень вайгельть а мари ды а кунсолы. Неть стака шкатнестэ миненек эряви улемс вейсэ. Раськенек ёмамо лангсо. Минденек башка сон киненьгак а эряви. Раськень ванстома тевесь – ансяк минек кедьсэнек.
Кинь ули мелезэ самс Инекужос делегатокс, пшкадеде Инекужонь Анокстамо курос.
Кинь ули мелезэ совамс Инекужонь Анокстамо курос, сёрмадодо, пшкадеде. Миненек эрьва ломанесь питней.
Кинь ули мелезэ лездамс Инекужонь Анокстамо куронтень лиясо-мейсэ, пшкадеде тенек.
Эрюш Вежай, Инекужонь Топавткуронь прявтось.
2015 ие, ожоков, 9 чи.
Комментировать